A Policía Local desprazouse a pasada madrugada á rúa do Xenebro xa que ao parecer produciuse un accidente de circulación.
Os axentes comproban que un vehículo chocara contra o mastro dun semáforo de peóns situado na intersección desta vía coa Avenida da Coruña, derrubándoo, observando que o condutor presenta signos de embriaguez, sendo sometido ás probas de detección alcohólica, lanzando un resultado positivo de 1,06 mg/l (máis de catro veces a taxa máxima permitida), levantándose acta de atestado e instruíndose dilixencias por delito contra a seguridade viaria na modalidade de Xuízo Rápido.
