Un home sae ileso tras caer por un desnivel en Guitiriz. O condutor, tras saírse da vía, rompeu un valado e precipitouse por un desnivel. Por fortuna, segundo a información recollida no 112 Galicia, a persoa resultou totalmente ilesa.
Un particular foi quen, sobre as 16:00 horas, chamou ao 112 para pedir axuda. Indicaba que circulaba pola A-6, quilómetro 537, dirección Arteixo, en Lagostelle e que vira unha saída de vía dun turismo. Non podía asegurar si había persoas feridas e atrapadas porque non parara pero indicaba que fora un golpe moi forte.
Con estes datos, os xestores do 112 puxeron os feitos en coñecemento do Servizo de Urxencias Sanitarias de Galicia-061 e dos Bombeiros de Vilalba, que se desprazaron decontado ao punto. Ademais, informaron á Garda Civil de Tráfico, aos membros do GES de Curtis e da Agrupación de Voluntarios de Protección Civil da localidade.
Nada mais chegar ao lugar, os efectivos de Protección Civil indicaron que se tratou dun accidente moi aparatoso. Afortunadamente, o condutor estaba fora do turismo e, segundo se lle informou ao 112, resultou ileso.
