O varón caeu desde uns dous metros de altura á beira do río, ao ceder o valado da ponte.
Os feitos tiveron lugar na LU-636, en Vilar de Sarria, na estrada que vai a Becerreá. O 112 Galicia tivo coñecemento dos feitos a través de Urxencias Sanitarias de Galicia-061, que solicitaba medios para rescatar ao home. Axiña, desde o 112 Galicia solicitouse a intervención dos Bombeiros de Sarria, da Policía Local e da Garda Civil.
Segundo a información facilitada ao 112 Galicia, os Bombeiros rescataron ao home e, posteriormente, foi atendido polos servizos sanitarios.
