Un home resultou ferido esta mañá en Antas de Ulla ao pasarlle por encima dunha perna a roda dun todoterreo. Ocorreu nunha leira próxima á estrada que une esta localidade e Vilasión, ao fío das 9:25 horas.
Nese momento, o persoal de Urxencias Sanitarias de Galicia-061 contactou co 112 Galicia para alertar do ocorrido.
Axiña, desde o CIAE 112 Galicia solicitouse a intervención dos Bombeiros de Chantada, dos efectivos do GES de Monterroso e dos axentes da Garda Civil de Tráfico, que confirmaron ao 112 Galicia que o home accidentado estaba accesible.
Segundo se lle indicou ao 112 Galicia, o home ferido foi trasladado nunha ambulancia a un centro hospitalario.
