Un home resultou ferido de consideración esta mañá despois de que o turismo no que viaxaba finalizase fóra da estrada. Segundo informa o 112-Galicia o accidente ocorreu na N-640, ao seu paso por Lugo, concretamente no punto quilométrico 91.
Foi unha persoa particular quen alertou do sinistro ao 112 Galicia ás 9:20 horas.
A partir de aí, desde o CIAE 112 Galicia pasouse o aviso a Urxencias Sanitarias de Galicia-061, á Garda Civil de Tráfico, á Policía Local, a Protección Civil e aos Bombeiros de Lugo.
Segundo os datos facilitados ao 112 Galicia, o home accidentado foi trasladado ao Hospital Universitario Lucus Augusti.
