A consellaría de Política Social e Xuventude,realizará unha reforma na residencia de maiores de A Milagrosa na que investirá un millón de euros. Así o anunciaron Fabiola García máxima responsable da consellería e o delegado territorial da Xunta en Lugo, Javier Arias,quen visitaron dita residencia, en Lugo.
As melloras suporán unha reorganización da entrada principal, tamén se modernizara a fachada, adecuaranse os ascensores e reordenarase a área sanitaria, entre outras actuacións. Desta maneira, este centro avanzará cara o novo modelo de coidados de Galicia, que ten como piares fundamentais unha reorganización dos espazos para facelos máis persoais, unha maior humanización dos centros, así como o uso de vantaxes tecnolóxicas e unha maior coordinación sociosanitaria.
A conselleira Fabiola García destacou que o Goberno galego está a transformar os piares do novo modelo de coidados en medidas e actuacións concretas. Mostra diso, explicou, son a transformación das habitacións de todas as residencias públicas autonómicas que se converterán en espazos intelixentes; tamén mediante a creación do primeiro censo de usuarios que integra información do Sistema galego de dependencia e da Historia Clínica Electrónica; ou da creación dos primeiros centros de coidados intermedios públicos de España, que se situarán nos concellos de Mos e Santiago.
