Arredor das 10:30 horas, o 112 Galicia recibiu o primeiro aviso por un atropelo na rúa da Veiga, fronte ao Hospital. Os alertadores indicaron que a vítima podía estar falecida.
Desde o 112 Galicia pasouse o aviso ao Servizo de Urxencias Sanitarias de Galicia-061, aos Bombeiros de Monforte, Garda Civil de Tráfico e Policía Local.
Porén, malia os esforzos dos servizos de emerxencias, nada se puido facer por salvarlle a vida ao home.
