Unha persoa resultou ferida esta tarde en Guntín ao quedar atrapada no apeiro do tractor que manexaba. Segundo puido saber o 112 Galicia, foron varias persoas que presenciaron o accidente as que liberaron ao condutor do vehículo.
Os feitos sucederon no lugar de Ferreira, ao fío das 17:30 horas. Nese momento, a Garda Civil de Tráfico contactaba co 112 Galicia para dar conta do sinistro.
A partir de aí, desde o Centro Integrado de Atención ás Emerxencias 112 Galicia requiriuse a intervención de Urxencias Sanitarias de Galicia-061, dos Bombeiros de Chantada e do GES de Monterroso.
