Os Bombeiros de Sarria excarceraron este mediodía a unha persoa que quedou atrapada no interior dunha furgoneta ao saírse da vía.
No momento do accidente, o vehículo circulaba pola LU-663, ao redor do quilómetro 67, en Paradela, Lugo.
Tras recibir a chamada dun particular, ao fío das 12:00 horas do mediodía, o 112 Galicia informou do accidente aos Servizos Sanitarios de Galicia-061, aos Bombeiros de Sarria e á Garda Civil.
Finalmente, a dotación dos Bombeiros desprazada ata o lugar comunicoulle ao 112 Galicia que o condutor do vehículo xa fora excarcerado e, posteriormente, trasladado ao centro hospitalario de referencia.
