Máis dunha vintena de mozos e mozas participaron hoxe na xornada sobre o programa Erasmus+ celebrada na Delegación Territorial da Xunta e promovida polo Grupo de Desenvolvemento Rural (GDR) da comarca de Lugo. O delegado territorial, Javier Arias, asistiu ao acto de presentación xunto cos alcaldes de Friol e Guntín, José Ángel Santos e María José Gómez respectivamente, e o relator, Antonio Versace.
Versace, consultor de proxectos europeos e informador xuvenil, ofreceu pautas e consellos concretos para elaborar un bo proxecto que poida resultar seleccionado e financiado no marco do programa; tamén se realizaron pequenas sesións prácticas en grupos.
