Vexetarian a nova proposta gastronómica en Lugo abre hoxe, 3 de xullo ao público. A mellor gastronomía vexetariana poderase degustar a partir de hoxe en Vexetarian que abrirá de xoves a domingo en horario de xantar e cea, agás o domingo que só abrirá ao mediodía.
Baixo os teitos de Caldiae Factoría Cultural (praza Viana do Castelo, 3), e co chef Javier Prieto nos fogóns, Vexetarian propón unha experiencia completa no que as viandas, coa maridaxe perfecta grazas aos mellores caldos galegos, se presentará acompañada de concertos en acústico ou proxeccións nunha gran pantalla de cinema.
Esta noite actuarán en Vexetarian, Silvia e Adrián, dúo formado pola lucense Silvia Chigliak, cantante e profesora de canto e Adrián Arias ao teclado que interpretaran versións de clásicos.
As reservas poderanse facer nos teléfonos 641980373 e 982813780.
