A área sanitaria de Lugo chega aos 2.000 casos activos por coronavirus, nunha xornada na que o número de novos positivos ascende a 134.
Segundo os datos facilitados pola Dirección Xeral de Saúde Pública da Consellería de Sanidade na súa última actualización, o número de casos activos de coronavirus en Galicia é de 18.061 deles 3.324 son da área da Coruña, 2.257 da de Ourense, 3.024 da de Pontevedra, 4.348 da área de Vigo, 2.274 da de Santiago e 834 da de Ferrol.
Do total de pacientes positivos, 30 están en UCI, 236 en unidades de hospitalización e 17.795 no domicilio. Polo de agora, en Galicia hai un total de 131.719 persoas curadas, rexistrándose 2.452 falecementos.
O número de PCR realizadas é de 2.527.245.
O número de doses de vacina contra a covid-19 administradas é de 3.411.262.
