O colexio de educación infantil e primaria (CEIP) Veleiro-Docampo, en Castro de Rei, é un dos centros da provincia da Lugo que se verá beneficiado en 2018 polo Plan de Rehabilitación Integral de edificios educativos que anunciou a Consellería de Cultura, Educación e Ordenación Universitaria.
O delegado territorial da Xunta en Lugo, José Manuel Balseiro, acompañado do alcalde da localidade, Francisco Javier Balado, deron conta durante unha visita ao centro dos pasos a seguir que farán posible a execución material das obras para as que se reserva un investimento inicial estimado de medio millón de euros.
Entre as actuacións previstas se inclúe a inxección de material na cámara de aire das fachadas, cambio das fiestras e carpintería exterior e persianas, colocación de falsos teitos e introdución de tecnoloxía led nas luminarias. Ademais, de xeito complementario executarse o pintado interior do centro e, previsiblemente, a reforma dos aseos. Balseiro explicou que esta actuación tan ambiciosa, reportará maior confortabilidade aos escolares e a todos os usuarios, así como unha mellora substancial da eficiencia enerxética do centro, que contribuirá tamén á redución considerable dos custes de mantemento, polo menor consumo de luz e calefacción.
Na actualidade, o CEIP Veleiro Docampo acolle a un total de 197 alumnos, deles 50 cursan infantil e 147 primaria.
