María Begoña Seco Varela será a nova xefa territorial da Consellería de Sanidade en Lugo, cargo ao que se incorporou no día de hoxe segundo deu a coñecer o delegado territorial da Xunta José Manuel Balseiro.
Seco Varela é Licenciada en Veterinaria pola Universidade de Santiago de Compostela e funcionaria de carreira por esta mesma escala. Ao longo da súa experiencia profesional, desempeñou múltiples labores no ámbito da saúde pública, en especial, no tocante á produción animal e dispón de formación especializada no ámbito do etiquetaxe alimentario.
Ata o de agora, viña exercendo desde o ano 2014 a xefatura do servizo de industrias e calidade agroalimentaria. A xefa territorial compaxinará as súas novas funcións coas de concelleira en Outeiro de Rei.
